Жогорку Кеңеште добуш берүүнүн натыйжасында МТРКнын Байкоочулар Кеңешине көрсөтүлгөн 30 талапкердин ичинен төртөө шайланды. Алар: Улуттук филармониянын директору Керим Турапов, "Социалдык технологиялар агенттиги» коомдук бирикмесинин директору Гүлнара Ибраева жана БГУнун журналистика факультетинин деканы Алтын Асанова жана эч жерде иштебеген Мыктыбек Өмүрзаков болду. Сегиз талапкер экинчи турга калды. МТРКнын Байкоочулар Кеңеши 15 адамдан турат. Алардын бешөөн президент, бешөөн Жогорку Кеңеш жана калганын коомдук уюмдар көрсөтөт. (KCh)
