Элүүгө жакын бейөкмөт уюм Бишкек гарнизондук соту менен Президентке, Жогорку Кеңешке жана эл аралык коомчулукка кайрылуу кабыл алышты. Аксы окуясын саясий оюнга айландырган өлкө жетекчилиги окуянын бүтүшүнө кызыкдар эмес деп белгилеген жарандык коом өкүлдөрү беш жылдан бери айыптуулар жазаланбай жаткандыгына тынчсыздануусун билдиришти. Алар бийлик башчылары менен соттон окуяны саясий ишке айландырбай, акыйкат өкүм чыгаруу менен күнөөкөрлөрдү жоопко тартууну талап кылышты. Кайрылууга укук коргоочу уюмдардын “Эркиндик үнү” аттуу түйүнү, «Демократия жана жарандык коом үчүн” Коалициясынын өкүлдөрү кол койгон.(YA)
