Бул тууралуу орус президенти Владимир Путин Тегеранда өткөн Каспий саммити учурунда айтып, бул чөлкөмдө күч колдонуу планы эч убакта ишке ашпашы керек деп белгиледи. Анда Иран, Азербайжан, Казакстан, Түркмөнстан жана Орусия лидерлери чөлкөмдөгү кайсы бир мамлекетке каршы аскердик операцияга өз өлкөсүнүн аймагын пайдаланууга бербейт деп макулдашышты. Путин ошондой эле Ирандын президентин Орусияга расмий визит менен келип кетүүгө да чакырды.
