Түрк парламентинде бүгүн Ирактын түндүгүндөгү Күртстан жумушчулар партиясынын жикчилерине каршы аскердик операция баштоо маселеси добушка коюлаары күтүлүүдө. Кабарларга караганда, премьер-министр Режеп Тайип Эрдогандын өкмөтү сунуш кылган чек аранын ары жагына чабуул коюу чечимин парламент жактырса, түрк армиясы Ирактын түндүгүндөгү операциясын токтоосуз баштайт. АКШ жана Ирак өкмөтү Түркиянын мындай аракети чөлкөмдөгү туруктуулукка кедергисин тийгизээрин эскертүүдө.
