Кечээ кечинде Нью-Йорктогу биржада чийки мунайдын бир баррелинин баасы алгач ирет 90 доллардан ашты. Эксперттер кара майдын кымбатташын АКШ долларынын арзандап кеткенине байланыштуу базарда мунай сатып алууну каалаган жаңы кардарлар пайда болгону менен түшүндүрүүдө. Байкоочулар буга Ирак, Түркиядагы кырдаал, дүйнөдө мунайды керектөө өсүп кеткени да себеп деген пикирде.
