Кыяс Молдокасымов кызматынан бошогон себептерди түшүндүрүп жатып, УТРКнын башчысы болоор алдында президент ага КТРди “Азаттыкка” айландырып бер деп айтканын, жакында кайсы бир жыйында мамлекет башчы “ КТР, КТР эмес эле “Азаттык” болуп кетти го” деп өзүнүн жыйынтык сөзүн билдиргенин айтты. “Чындыгында бул жакты “Азаттык” радиосундагыдай эл аралык стандартка өткөрүүгө болгон аракетибизди жасадык. Эми мына саясат экен, депутаттар таратылган учурда айрым бирлерине бийлик бөлүштүрүлөт экен. Балким ушундай бийлик бөлүштүрүү себептерден улам ушундай кадамдар жасалгандыр” деди, Кыяс Молдокасымов. Ал Курманбек Бакивдин болгон саясаты элге жеткирилип келгенин, элдин кызыкчылыгында аракеттер жасалганын, эми негизинен өз милдетин аткарып бүткөнүн белгиледи. (EBM)
