Ар жылда ноябрь айынын алгачкы жекшембисинде бул датаны белгилөө демилгеси ушул жума күнү болгон студенттик отряддардын II республикалык жыйынында көтөрүлгөн. Иш-чарага президент Курманбек Бакиев да катышып, ал өз сөзүндө мындай студенттик уюмдардын маани-маңызы чоң экенин белгилеген. 2007-жылдын жай айларында отуздай жогорку окуу жайдан беш жүздөн ашык студенттик топ түзүлгөн. Алар баш-аягы эки жүз миллиондон ашык сомдук жумуш бүтүрүп, өлкөнүн ар аймагындагы курулуш, оңдоп-түзөө иштерине кол кабыш кылышкан. (EBM)
