Нааразылык иш-чаралар 8-ноябрда Улуттук коопсуздук боюнча мамкомитеттин имаратынын алдында өтөт. Бул тууралуу аталган форумдун мүчөлөрү “Азаттыкка” кабарлады. Алардын пикиринде бийлик оппозиция митингисине катышкандарды куугунтуктап, абакка камоо менен мындан ары митинг пикеттерге эл чыкпасын деген ниетте “коркутуп үркүтүү амалдарын” колдонуп жатат. Буга чейинки “Канжар” жаштар уюмунун лидери Адилет Айтикеевдин бошотулушун, ага эмненин негизинде айып тагылганы ачык айтылсын деген кайрылууларга да бийликтен жооп болгон эмес. Ошондуктан жаш саясатчылар талаптарын пикет аркылуу жеткирүүнү көздөөдө. (EBM)
