Бүгүн Нарын облустук акимчилик 7-ноябрь - басма сөз жана маалымат күнүнүн урматына жыйын өткөрүп,“Алтын калем” чыгармачылык сынагын жеңүүчүлөрүн сыйлады. Губернатордун биринчи орунбасары Мирадил Бакашев куттуктоо сөз сүйлөп, журналисттердин ардактуу жана татаал жумуштарын белгилеп, учурдагы саясий кырдаалда далилдерди калыс чагылдырууга чакырык таштады. Алтын калем” сынагы облуста быйыл биринчи жолу өткөрүлдү. Жеңүүчүлөрдүн арасында “Азаттыктын” Нарын облусундагы өз кабарчысы Жаркын Ибраева да бар. Облустук Адилет башкармалыгынан алынган маалымат боюнча Нарын облусунда 21 басылма гезит, 8 телерадио компания каттоого алынган. (KUs)
