Кайрылууда Өзбекстандын Уйчу жана Чартак району менен чегаралаш жайгашкан Аксы районунун Авлетим айыл өкмөтүнө караштуу Дейрес айылынын 1500 тургуну өтө оор шартта жашап жатышканын айтышып, өлкө башчысынан Калпакка насостук станция курдуруп, Дейреске суу чыгарып берүүсүн өтүнүшкөн. Алар турмуш шарттын оордугунан чегарадагы айылдан көчүп кетип жаткандар көбөйүп баратканын, бардыгы көчүп кетишсе ал жерге башка улуттун өкүлдөрү келип отурукташарын белгилешкен. Ошондой эле Дейрестиктер жалпы кыргыз журтуна кайрылуу жолдоп, президент К.Бакиев башында турган партияны колдоого үндөп, айыл тургундары жалпысы менен “Ак жолдун” катарына киришкенин билдиришкен. (AJ)
