Кыргызстандын баңзаттарга каршы күрөшүү агенттигинин маалымат кызматы мындай ири өлчөмдөгү баңзат өлкөнүн тарыхында биринчи жолу кармалып жаткандыгын белгиледи. 42, 960 кг героинди 53 жаштагы наркокурьер Алай районундагы Бордөбө бажы постунан алып өтүүгө аракет кылган учурда баңзаттарга каршы күрөшүү агенттигинин жана чегара кызматынын кызматкерлери тарабынан кармалды. Мындай өлчөмдөгү баңзат кара базарда 1 млн 228 миң АКШ долларына же 42,9 млн сомго сатылмак. (ZKo)
