Биринчи май райондук соту «Диктатурага жок де» аттуу нааразылык акциясынын катышуучусу Наргиза Абдылдаеваны административдик жазага тартты. Жалпысынан акциянын алты катышуучусу , тактап айтканда «Жашылдар» партиясынын төрт мүчөсү жана эки укук коргоочу милицияга баш ийген эмес, бейбаштык кылган деп айыпталууда. Кечээ башталган сот бүгүн уланат. Укук коргоочулар буга байланыштуу бүгүн райондук соттун алдында акция өткөргөнү жатышат. Кечээ алар өкмөт үйүнүн алдына чыгышып, мындай териштирүүнү жарандардын эркин чогулуу укуктарына шек келтирүү катары баалашкан. (BuS)
