Мамлекеттик катчы Адахан Мадумаров бүгүн “Ак Жол” партиясынын тизмеси менен депутаттыкка бараткандыгына байланыштуу кызматынан чегингенин жарыя кылды. “Бул партиялардын тизмесиндеги башка мамлекеттик чиновниктерге үлгү болушу керек”, - деди А. Мадумаров. Ал бүгүнтөн тарта баш оту менен шайлоо иштерине кирише турганын билдирди. Президент Курманбек Бакиев бүгүн дароо эле Адахан Мадумаровдун арызын канааттандырып, аны мамлекеттик катчы кызматынан бошотту.