Бул тууралуу Венада өтүп жаткан жыйында Өзөктүк кубат боюнча эл аралык агенттик – МАГАТЭнин башкы жетекчиси Мохаммед эл Баррадей билдирди. Анын айтымында, агенттиктин колунда Иранда жашыруун өзөктүк материалдар жок экенин далилдеген документтер болбогондуктан, Тегерандын бул программасы жалаң тынч максатты көздөйт деп айтууга негиз жок. Батыш өлкөлөрү Иранды өзөктүк курал даярдап жатат деп айыптаса, расмий Тегеран бул айыптоолорду четке кагып келет.
