«Ар-намыс» партиясынын төрагасынын орун басары Эмил Алиевдин пикирине караганда, Алмазбек Атамбаев премьер-министрликке келгенде анын убактылуу экени белгилүү болчу. «Ошол кезде элге, коомчулукка мына оппозиция өкүлүн алып келдик деген нерсе керек болчу, эми азыр анын бийликке кереги жок болуп калды», - деди Эмил Алиев «Азаттыкка». Анын болжолунда, эми Атамбаев кайсы бир өлкөгө элчи болушу мүмкүн. «Себеби Атамбаев өзү да мурда эле Түркияга элчилик кызматка барууну суранып жүргөн», - дейт Эмил Алиев.(SM)
