Франциянын президенти Николя Саркози полицияга ок ачкан демонстранттар сөзсүз соттолот деп убада кылды. Бүгүн ал Париждин чет жакасында түнкүсүн көчөгө чыгып, толкундоолор уюштурган жаштардын огунан жараат алган полициячыны ооруканага барып көрүп чыкты. 3 түн удаасы менен көчөдөгү жаштар менен полиция кагылышуусу орун алган соң Саркози бүгүн абалды өкмөттүн чукул жыйнында талкууламакчы.
