Социал-демократтар партиясынын тизмесинде турган Роза Отунбаева менен Бакыт Бешимов 4-декабрда Барпы атындагы театрда шайлоочулар менен жолугушуп жатканда электр жарыгы өчүрүлүп, жолугушуу үзгүлтүккө учурады. Бул тууралуу билдирген партиянын түштүк аймагындагы координатору Батырбек Абдразаковдун айтымында, мындай иштер бийликчил кишилердин колунан келиши ыктымал. Партиянын Ташкөмүр шаарындагы координатору Мелис Усукеев шаар акими “Ак жолдон” башка партияларды шайлабайсынар деп казыналык кызматкерлерди коркутуп-үркүтүп жатканын билдирди. Бирок шаар бийлигинин өкүлдөрү мындай маалыматты жалган деп четке кагышты. (YA)
18:58 Жалалабатта Р. Отунбаева менен Б. Бешимов шайлоочулар менен жолугуп жатканда жарыкты өчүрүп салышты
