Бул тууралуу “Азаттыкка” Ак терек айылынын тургуну Айгүл Сейиткулова билдирди. Анын айтымында, 4-декабрда Каракол шаарындагы Ысыккөл мамлекеттик университетинин алдында “Аалам-партияда жоктордун” партиясы эл менен жолугушуу өткөрө турган болгондо, “Ак жол” партиясынын белгисин тагынган адамдар үн күчөткүч аппартура менен музыка коюп, концерт берип жолугушууга тоскоолдук кылышкан. Окуу жайдын администрациясы студенттерге бийликтин партиясына гана добуш бересиңер деп катуу көрсөтмө берип, жетекчилик ресурстарды катуу колдонууда, дейт Сейиткулова. (AJ)
