Британиянын коргоо министри Де Браун бүгүн Кабулда ооган бийлик өкүлдөрү менен сүйлөшүүлөрдү өткөрдү. Ушул тапта Ооганстандын түштүгүндөгү Муса Кала шаарын талибдерден бошотуу боюнча ири операция өтүп жатат. Соңку кабарларга ылайык, кечээ башталган операциянын жүрүшүндө бир нече талиб согушкери өлтүрүлүп, бир британ жоокери набыт болду. Маалыматтарга ылайык, абадан жасалган чабуулдан эки өспүрүм мерт кеткен.
