«Ак жол» партиясынын Адахан Мадумаров баштаган Жогорку Кеңешке талапкерлери Араван районунун жашоочулары менен жолугушканда, аны райондук жетекчилер коштоп жүрүштү.Бул туурасында “Ата мекен” партиясынын Араван району боюнча штабынын жетекчиси Абдувахаб Мониев “Азаттыкка” маалымдап, мурунку мамлекеттик башчынын жолугушуусунун астында мектептерде ата-энелерди чогултуп, балаңардын жаркын болочогун ойлосоңор “Ак жолго” добуш бересиңер деп үгүттөшкөнүн билдирди. Район акими Шамил Артыков өз кезегинде “Ак жол” лидери Адахан Мадумаров жетектеген топту тосуп учурашканын, жолугушууга ыңгайлуу шарт түзүп бергендигин билдирип, мындан саясат жасоонун кажети жоктугун белгиледи. (АТо)
