Бул тууралуу бүгүн уюштурулган маалымат жыйынында Социал-демократтар партиясынын шайлоо тизмесинин башында турган Өмүрбек Бабанов билдирди. «24 kg» агенттиги Бабанов Казакстандын жараны экендигин тастыктаган маалыматтар бар деп жарыялаган. Бабановдун билдиргенине караганда, ал 1995-1998-жылдары Жамбыл облусунун Тараз шаарында иштеп, ушул мезгил аралыгында ишине байланыштуу Казакстандын паспортун алган. Бирок Бабанов 1998-жылы ал паспортту өткөрүп, Кыргызстандын паспортун алган жана бул маалымат 2005-жылкы парламенттик шайлоодо атаандаштарынын доосу боюнча соттошууда такталган. (BuS)