Алардын катарында ЕККУнун байкоочулары дагы бар. Укук коргоочулардын жана байкоочулардын «Азаттыкка» билдиргендерине караганда, мындай фактылар тасмага түшүрүлүп, сүрөткө тартылып, протоколдор түзүлдү. Тоң районунда сегиз айылдын шайлоочуларынын добуштары жашыруун иргелип жаткан жеринен кармалды. Талас шаарындагы 108-добуш берүү түйүнүндө 500, Сокулук районунун Новопавловка шайлоо түйүнүндө 1000 добуш жашыруун кошумча салынган фактылар катталгандыгы маалымдалды. Ушул өңдүү маалыматтардын көпчүлүгү «Ата мекен» партиясынын байкоочулары тарабынан кабарланууда. (BuS)
02:52 Ленин, Октябрь райондук комиссиялары бюллетендердин эсебин чыгаруу жараяндарына байкоочуларды катыштырбай койду
