Еврошаркеттин жана Улуттар уюмунун 2 кызматкери Ооганстандан учуп кетишти

Кабул Майкл Семпл менен Мэрвин Паттерсонду талип согушкерлери менен жолугушуп, Ооганстандын коопсуздугуна коркунуч келтиришти деп айыптаган.
БУУ дипломаттар талиптер менен сүйлөшпөгөнүн, аларды өлкөдөн кетирүүгө негиз жоктугун ырастады.
Атын атабаган оогандык расмий адам Ройтерске билдиргендей, Семпл менен Паттерсон талиптер менен жайында Муса Калаа шаарында жолугушкан.
Жергиликтүү тилдерге, каада-салтка адистешкен дипломаттар Ооганстанда 10 жылдан ашык убакыттан бери жашап келатышкан.