Мындай билдирүүнү өкмөт башчы жер титирөөнүн кесепеттерин жоюу боюнча Ош облустук администрациянын жыйынында жасады. Жыйында премьер-министр табигый кырсыктын кесепеттерин жоюуга бардык күчтү жумшаш керек экендигин белгиледи. «Курулуш материалдары менен кошо жабыркагандар палаткалар, жылуу кийимдер жана азык-түлүк менен үзгүлтүксүз камсыздалып турат», - деп билдирди Игорь Чудинов. Ош шаарына келерге чейин өкмөт башчы жер титирөөдөн катуу жабыркаган Башбулак жана Нариман айылдарын изилдеп чыккан болчу. Ушуну менен премьер-министр баштаган өкмөттүк делегация иш сапарын аяктады деп кабарлады өкмөттүн маалымат кызматы. (JTo)