Бул тууралуу “Азаттыкка” Кара-Суу районунун акими Токтосун Барманов билдирди. “Ушул тапта жалпысынан 484 адам коопсуз жайларга көчүрүлдү. Кара-Суу районунун Башбулак айылындагы кесипчилик лицейдин жатаканасына 276 кишини көчүрдүк. Бүгүн дагы беш үй-бүлө кошулду. Жай жылуу, милиция кызматкерлери менен доктурлар күнү-түнү бул жерде болуп атышат. Көчүрүлгөндөргө үч маал ысык тамак берилүүдө, учурда жаш балдарга керектүү тамак-аштын түрлөрү тандалып жатат”,- деди Т.Барманов.(AiJu)
