Анда 21-октябрда жалпы элдик референдумда Башмыйзам менен Шайлоо кодексине демократиянын жоболоруна туура келбеген кошумчалар мыйзам бузуу жолу менен киргизилгендиги, референдум акыйкат өтпөгөндүгү белгиленген. Ошондой эле 16-декабрда болгон парламенттик шайлоо болуп көрбөгөндөй мыйзам бузуулар менен административдик ресурстарды колдонуп, бурмалоо жолу менен шайланып келген парламентти легитимсиз деп таануу, шайлоонун жыйынтыгында мыйзамды бузган адамдарды кылмыш жоопкерчилигине тартуу көрсөтүлгөн. “Акыйкат үчүн” коомдук кыймылынын негизинде Координациялык Кеңеш жана Коомдук Парламент түзүлүп, Элдик Курултай чакыруу чечими кабыл алынды. (AJ)
