Ооганстандын борбору Кабулдагы жогорку класстагы мейманканага кол салган жанкечтилердин чабуулунан кеминде 6 адам набыт болду. Улуттар уюмунун баш катчысы Пан Ги Мун жанкечтилердин чабуулу ал мейманканадагы жыйынга катышып жаткан Норвегиянын тышкы иштер министрин бутага алган деп билдирди. Министр кол салуудан жабыр тарткан жок. Өлгөндөр арасында АКШнын мамлекеттик департаментинин эки өкүлү жана дагы бир америка жараны, норвегиялык журналист бар экени кабарланууда.
