Бүгүн өкмөт башчы Игор Чудинов Кыргызстандагы Германиянын ыйгарым укуктуу элчиси Клаус Гревлих менен жолугушат. Жолугушуу таанышуу өңүттө болуп, премьер-министр кыргыз өкмөтүнүн алдыдагы иш аракеттерине токтолот. Клаус Гревлих 15-январда өткөргөн маалымат жыйынында Кыргызстанда гидроэнергетиканын күчүн өнүктүрүү маселеси оппозиция менен бийликтин өз ара сүйлөшүүлөрүнө өбөлгө түзүүсү мүмкүн деген пикирин билдирген. Ал ошондой эле Кыргызстанда болжолдонуп жаткан Орто Азия боюнча суу-энергетика академиясын ачуу демилгесин Евробиримдик колдоорун айткан. (AJ)
