Министр 29-январда Сауд Аравиясынын тышкы иштер министри доктор Низар Обейди Аль-Мадани менен жолугушуп, эки тараптуу кызматташууларды өнүктүрүү боюнча сүйлөшүүлөрдү өткөрдү. Кыргыз министри жолугушууда президент Курманбек Бакиевдин Сауд Аравиясына сапарын уюштуруу жана анын алкагында инвестициялык конференция өткөрүүнү сунуштады. Эднан Карабаевдин Сауд Аравиясына сапары 31-январда соңуна чыгат. Андан кийин ал 3-февралга чейин Бириккен Ара Эмираттарында, 4-6-февралда Индияда жумуш сапар менен болмокчу. Бул тууралуу тышкы иштер министринин басма сөз катчысы Руслан Молдокасымов билдирди.(AiT)
