Александр Косвинцев Кемерово областында оппозициячыл "Российский репортер" гезитинин баш редактору болгон. Ал аймактык бийликтерге тийешеси болгон коррупциялык иштер тууралуу иликтөөнү жарыялаган. Ал ошондой эле оппозициячыл "Новая газетада" иштеген. Бул гезиттин кабарчысы Анна Политковскаяны 2006-жылы белгисиз бирөөлөр өлтүрүп кеткен. Косвинцев Украинадан саясий баш калканч сурап, былтыр кайрылган.
