Жорж Буш Конгресске 2009-жылдын бюджетинин долбоорун жолдоду

Президент сунуштаган келээрки жылдын бюджет долбоору үч триллион долларга тете бааланып, рекорддук бюджет болгону турат. Долбоордо
терроризмге каршы күрөш алып барган аскердик күчтөргө кошумча каражатты бөлүү каралган. Ошондой эле анда экономиканы көтөрүү үчүн салыктар көлөмүн азайтуу сунушу камтылат. Оппозициячыл демократтар Буштун дефицити 400 миллиард долларды түзгөн ири өлчөмдөгү бул долбоорун сынга алып жатышат.