«Чон шейшембиде» Аризона, Иллинойс жана Нью-Йорк штаттарынан колдоо тапкан республикачыл Жон Маккейн атаандаштарын караандатпай алдыга оозуп чыкты. Демократтардан президенттикке талапкер Хиллари Клинтон менен Барак Обаманын добуш топтоосундагы ажырым анча чоң болбоду. Обама «Чоң шейшембиде» Илинойс, Жоржия, Алабама, Минессота штаттарын багынта алды. Ал эми Клинтон айымга Нью-Йорк, Калифорния, Арканзас, Массачусетс, Нью-Жерси, Теннеси штаттары колдоо көрсөттү. Ушуну менен республикачылар атынан президенттикке Жон Маккейн бараары дээрлик аныкталганы менен, демократтар Клинтон менен Обама ортосунда ич ара таймаш уланчудай.
