Ревкомдун төрагасы Азимбек Бекназаров бул тууралуу “Азаттык” үналгысына берген интервьюсунда билдирди. Анын айтымында, Конституциянын долбоору 29-мартта өтө турган элдик курултайда делегаттарга таратылып берилип, талкууланат. Делегаттар эң ириде Кыргызстан президенттик же парламенттик башкарууга өтүшү керектигин тактап, конституциялык реформа болсо элдин өлкө үчүн ыңгайлуу жана натыйжалуу кандай башкаруу формасын жактыраарын аныкташат. Азимбек Бекназаровдун айтымында, мындай аракет азыркы Конституциянын мамлекеттик башкаруу жөнүндөгү жоболорун өзгөртүү зарылдыгынан улам пайда болду. (BD)
