Ооганстандын чыгышындагы Хост провинциясында бүгүн да жарылуу болду

Андан бир полициячы каза тапты. Жанкечти миналанган автоунаасы менен өкмөттүк имаратты сүзүүгө аракеттенде сакчылар ок чыгарып, автоунаа ушундан соң жарылган. Бул тууралуу Хост провинциясынын губернатору Арсалла Жамал билдирди.

Мунун алдында кечээ да ушул эле провинцияда жанкечти миналанган автоунаасы менен өкмөттүк имараттын дарбазасын сүзүп, төрт адамды, анын ичинде НАТОнун эки аскерин мерт кылган эле.