“Акыйкат үчүн” кыймылынан алынган маалыматка караганда, өткөн жумада Таласта болгон облустук курултайдын катышуучулары 29-мартта болчу курултайдын күн тартибинде каралсын деп төрт маселеге токтолушкан. Алар: президент менен парламентке ишеним көрсөтпөө, Коомдук парламентти колдоо, Аксы окуясына күнөөлүүлөрдү сот жообуна тартуу жана Маймак карьерин Казакстанга алмашпоо. Коомдук парламенттин мүчөсү Касымбек Райымкул уулунун билдирүүсү боюнча, жалпы элдик курултайга катышуу үчүн Таластан 120 делегат шайланды. (BD)
