Ыңкылап күнүнө арналган салтанаттуу жыйын Нарын шаарындагы театрда катуу тизме менен өткөрүлдү. Чогулуш башталар алдында тизмени тактаган каттоо өткөрүлдү. Губернатор Өмүрбек Субаналиев март окуясы өткөн 3 жыл аралыгында, элдик негизги үч талап – Аскар Акаевди кызматтан кетирүү, парламентти таратуу жана конституциялык реформа ишке ашырылды деп белгиледи. Мындан соң эки ардагерге куттуктоо сөз берилгенден кийин жыйын жабык деп жарыяланды. Эл алдына чыгып сөз сүйлөөгө аракет кылган Онарча айылынан келген Төлөгөн Касымалиевди милиция кызматкерлери театрдан сыртка күч менен чыгарышты. (KUs)
