Өткөн ишембиде болгон президенттик шайлоонун расмий жыйынтыгы али жарыялана элик. Бирок парламенттик шайлоонун расмий жыйынтыгы президент Мугабенин бийликтеги Зану-ПФ партиясы парламенттеги көпчүлүктү жоготконун көргөзүүдө. Ал партия 97 орун алса, оппозиция 109 орунга ээ болгон. Оппозициянын Демократия үчүн кыймылы алардын талапкери Морган Цвангираи президенттик шайлоодо жеңип чыкканын ырастап, президент Мугабеге кысым көргөзүүсүн улантууда. Роберт Мугабе Зимбабвени 1980-жылдан бери башкарат.
