Казакстандагы расмий сапарынын учурунда президент К.Бакиев баштаган делегация мүчөлөрү бүгүн Астанадагы кыргыз элчилигинин алдына арча жана башка бак-дарактардын көчөттөрүн отургузушту. Президент элчиликтин кызматкерлери менен сүйлөшүп, алардын иш шарртарына кызыкты. Ошол эле жерде кыргыз диаспорасынын өкүлдөрү менен да жолугушуу болуп, жекшембилик мектепте окуган кыргыз балдары үчүн эне тилиндеги окуу китептери берилди. Бул тууралуу президенттин маалымат кызматынан кабарлашты. Кыргыз президентинин Казакстандагы эки күндүк расмий сапары бүгүн аяктайт.(SM)
