Жогорку Кеңештин маалымат кызматынан алынган кабарга караганда, анда энергетика тармагынын азыркы абалы тууралуу маалымат угулуп, тармакты 2008-2010-жылдарда өнүктүрүүнүн улуттук программасы жана отун-энергетика тармагын өнүктүрүүнүн 2025-жылга чейинки стратегиясы талкууланат. Ал эми бүгүн парламенттин тиешелүү комитетинин жыйынында Токтогул каскадындагы ГЭСтер менен жогорку чыңалуудагы электр тармактарын өзгөчө макамынан ажыратуу тууралуу мыйзам долбоорун кабыл алуу ниетинен аны даярдап келген Өнөр жай, отун-суу жана энергетика министрлиги баш тартты. (BD)
