Бул тууралуу облустук акимчиликтин укук коргоо жана коргонуу бөлүмүнүн башчысы Таштемир Эшалиев «Азаттыкка» маалым кылды. Учурда облус боюнча 6 айылдык милиция бөлүмчөлөрүндө коомдук профилактикалык борборлору иштей баштады. Алар жаштардын, аксакалдар жана аялдар кеңешинин арасынан тандалып алынып, коомчулук менен биргелешкен программасынын негизинде иш алып барышат. Эки күндөн бери коомдук профилактикалык борборлордун абалы менен ички иштер министри Молдомуса Конгантиев да таанышып чыкты. Мындан ары ар бир айылдык милиция бөлүмчөлөрүндө коомдук профилактикалык борборлор ачылышы тууралуу кабарланды. (SA)
17:34 Баткенде милиция кызматкерлерин ишин жеңилдетүү максатында коомчулук менен биргелешкен пункттар иштей баштады
