Майкрософттун жетекчиси Стив Балмер бул тууралуу Yahoo интернет ишканасынын жетекчилигине жазган катында билдирди. Ага ылайык, Майкрософт Yahoo үчүн 47 жарым миллиард доллар, же акциясына 33 доллардан төлөөгө макул эле. Бирок Yahoo акцияларын 37 доллардан же 53 миллиард долларга сатам деп туруп алды. Майкрософт Yahoo ишканасын 3 айдан бери алам деп жүргөн эле. Бул соода ишке ашканда, Майкрософтко Интернеттеги рекламанын басымдуу бөлүгүн көзөмөлдөгөн Google фирмасы менен атаандашуу жеңилдемек.
