Укук жана мамлекеттик кызмат боюнча кыргыз-казак академиясынын ректору Николай Михайленко баш прокурор Элмурза Сатыбалдиев менен Кыргыз-орус (славян) университетинин ректору Владимир Нефадьевди 1 май раондук сотуна берди. Бул тууралуу Михайленко бүгүн “АКИпресс” агенттигинде уюштурган маалымат жыйынында билдирди. Михайленко териштирүүлөрдө укугум бузулду деп эсептеп, баш прокурордон 1 млн. сом, ректордон 2 млн. сом өндүрүүнү соттон сурады. Эки билим берүү мекемелеринин ректорлорунун ортосундагы имаратка жана мүлккө байланышкан соттук териштирүү 3,5 жылдан бери уланып келатат. Михайленконун айтымында өткөн аралыкта 57 сот отуруму болду. (BuS)
