Бельгиядагы Ирандын элчиси Еврошаркеттик тышкы иштер боюнча комиссары Хавьер Солана менен жолукту. Жолугушууда ирандык элчи дүйнөлүк көйгөйлөр, анын ичинде Тегерандын талаштуу өзөктүк программасы тууралуу уюмга сунуштарды берди. Сунуштар саясий, коопсуздук, экономикалык жакты көздөп, Ирандын өзөктүк аракеттери тынчтык максатты көздөөрү баса белгиленген. Евробиримдиктин өкүлдөрү жолугушуу болгонун тастыктады, бирок кездешүүнүн чоо-жайы тууралуу маалымдалган жок.
