Бүгүн Бишкекте өткөн илимий конференция исламды окутуунун жана иликтөөнүн усулдарын талкуулады. Эл аралык жана жергиликтүү талдоочулардын катышуусунда өткөн бул талкууда негизги көңүл исламды окутуунун стандарттарына бурулду. Жергиликтүү адистердин баамында Кыргызстан аймагында аракеттенип жаткан 40тан ашык медресе кайсы стандарттарга ылайык окутуп жаткандыгы бейдарек бойдон калууда. Талдоочулар ошондой эле диний уюмдар менен бийлик ортосунда бири-бирине ишенимдүү мамиле жок дешти. (BuS)
