Жарлыкка ылайык, 1-июлдан баштап өлчөмү 1500 сомдон ашпаган пенсияларга ар айлык компенсациялык төлөмдөр берилет. 200 сомго чейинки пенсияларга 132 сомго чейин берилсе, 1001 сомдон 1500 сомго чейинки пенсияларга 42 сом төлөнөт. 1-июлдан тарта ушул жарлык күчүнө киргенге чейин дайындалган пенсияларга электр кубаты үчүн ар айлык компенсациялык төлөмдөрдүн мурда белгиленген өлчөмү 12 сомго көбөйтүлдү. Ар айлык компенсациялык төлөмдөр электр кубатын пайдалангандыгы үчүн акы төлөөдө жүз пайыздык жеңилдетилген кемитүүдөн пайдаланган адамдарга берилбейт. Компенсациялык төлөмдөр республикалык бюджеттен Социалдык фондуга берилген каражаттардын эсебинен жүргүзүлөт.(MSu)
08:10 Электр кубатына тарифтердин жогорулагандыгына байланыштуу пенсионерлерге компенсациялык төлөмдөр жөнүндө жарлыкка кол коюлду
