Ооган бийлиги талиптерди колдогон козголоңчулар менен тынчтык сүйлөшүүлөрүн жүргүзгөн Пакистанды сынга алууда

Бул тууралуу ооган тышкы иштер министри Рангин Дадфар Спанта
пакистандык кесиптеши Шах Мехмуд Куреши менен Кабулдагы бүгүнкү жолугушуусунун алдында билдирди. Спанта Пакистандын Ооганстанга чектеш тоолуу аймагындагы талиптик жоочулар менен тынчтык келишимине баргандыгы үчүн Исламабаддын бул саясатын “туура эмес” саясат деп сындады. Пакистанда жоочуларды башпаанектетүү Ооганстандагы болочокку террордук кол салуулардын күчөшүнө алып келиши ыктымалдыгын Спанта дагы бир жолу эскертти.