Облуста өспүрүмдөр үчүн сегиз эс алуу жайы бар. Аларда бир эле учурда 1200-1300 бала дем алып, ден-соолуктарын чындай алат. Бирок, каражаттын жоктугунан бул эс алуу жайлары азырынча иш баштай элек. Ага өкмөт тарабынан каражаттын бөлүнбөй атканы себеп болууда. Бул маалыматты облустук-аймактык профсоюздар кеңешинин төрагасы Уламсабыр Акматов “Азаттыка” билдирди. Анын айтымында жетим балдардын эс алуусуна бөлүнгөн 6 миллион сом профсоюздар федерациясына түшө элек. Ошондой эле эмгекчилердин балдарынын эс алуусуна да каражат бөлүнө элек. Былтыр Жалалабат облусундагы балдардын дем алуусун уюштурууга өкмөттөн 700 миң сом берилген. (YA)
