Бул тууралуу “Азаттыкка” “Жарандар коррупцияга каршы” укук коргоо борборунун башчысы Төлөйкан Исмаилова кабарлады. Анда нааразылык чараларын өткөрүү боюнча мыйзам долбоору тууралуу коомчулукка маалымат берилип, аны эл аралык эрежелерге төп келтирүү талабы коюлат. Ошондой эле бул талкууларда айтылган сунуш-пикирлердин баары президент менен парламентке сунушталат. Парламенттин тиешелүү комитети өткөн айда митинг-пикеттерди өткөрүүгө бир катар чектөөлөрдү киргизген мыйзам долбоорун жактырып, парламент кароосуна сунуштаган. Бир катар укук коргоочулар бул мыйзам долбоору демократияга жана адам укуктарына каршы келээрин айтып келишет.(SM)
8:40 Бүгүндөн тарта жер-жерлерде “Жарандар тынч митинг үчүн” деген аталыштагы жыйындар өтө баштайт
