Бул тууралуу гезиттин редакторунун 1-орун басары “Азаттыкка” билдирди. 17-июнда Биринчи май райондук сотунун судьясы Тилекеевдин колу коюлган чакыруу кагазында, гезит кыргыз чегара кызматкерлеринин адамдык ар намысына, ишкердик беделине шек келтирген макалалары үчүн айыпталып жатканы айтылган. Айта кетсек “Алиби” гезити соңку кездерде чегара маселелерине байланышкан бир канча макала басып чыккан. Буга чейин президенттин иниси Жаныш Бакиевдин уулу Асылбек Салиев бул гезитти сотко берип, 1 миллион сомго жыккан эле. Анда гезит Асылбек Салиевдин адам өмүрү кыйылган авто кырсыкка тиешеси болушу ыктымал экендигин жазып чыккан эле. (GA)
