Бул тууралуу миграция жана калкты иш менен камсыз кылуу агенттигинин жетекчиси Айгүл Рыскулова качкындардын эл аралык күнүнө карата уюшулган маалымат жыйынында айтты. Анын айтымында, өлкөдө качкын макамын сураган жарандардын саны 856 адам, ал эми 251 адам расмий түрдө качкын макамына ээ. Ушул тапта Кыргызстанда бул маселеде өтө көп орчундуу көйгөйлөр бар. Качкындарды жумуш орду, турак-жай менен камсыз кылуу, психологиялак, материалдык,укуктук жактан жардам берүү өңдүү көптөгөн маселелер турат. Ушул тапта өкмөт тарабынан жогоруда айтылган проблемаларды чечүү үчүн бир топ чаралар көрүлүп жатат, биз эл аралык уюмдар, бейөкмөт уюмдары менен иштешүүдөбүз, деп кошумчалады А.Рыскулова. (AiJu)
